Eyjafjarðarsveit

Aðalsafnaðarfundur Kaupangssóknar verður haldinn í Kaupangskirkju þriðjudaginn 16. apríl nk. kl. 16:00 (ATH. FUNDARTÍMA). Dagskrá fundar: Venjulega aðalfundarstörf. Allir velkomnir. Sóknarnefndin.

Vortónleikar Karlakórs Eyjafjarðar verða haldnir föstudaginn 19. apríl í Laugarborg kl. 20:00. Flutt verða lög við texta Kristjáns frá Djúpalæk í bland við annað efni. Kórstjóri: Guðlaugur Viktorsson

Kirkjukór Grundarsóknar heldur tónleika í Laugarborg klukkan 20:00 að kvöldi síðasta vetrardags þ.e. 24. apríl. Kórinn hefur síðustu misserin verið að æfa lög Jóns Múla og Jónasar Árnasona í útsetningu Þorvaldar Arnar Davíðssonar kórstjóra. Við förum yfir lögin úr Deleríum Búbónis ásamt fleiri perlum úr smiðju þeirra bræðra. Teflt er fram kór og hljómsveit og verður enginn svikinn af þessari kvöldstund.

Ókeypis aðgangur en sums staðar er verið að selja veitingar og vörur. Ferðaþjónustuaðilar, handverksfólk og smáframleiðendur í Eyjafjarðarsveit opna dyr sínar upp á gátt á sumardaginn fyrsta frá 13-17. Tónlistarfólk stígur einnig á stokk hér og þar og fermur list sína (athugið sérstakar tímasetningar). Um að gera að rúnta inn í sveit og kynna sér málið.